أخر كلام
بعد مابقلع هدومى
قبل نومى
لازم أقرا كام مقاله
نرفزونى..سخنونى
حفزونى..إنى أكتب
عن ولاد الكلب
والسفاح شارون
قول سهرت
نمت..بعد الفجر ما إدن
والعيال بيقومونى
صحصحونى
قمت مفزوع من منامى
هجت فيهم
جت مراتى قالت لى..مالك
إيه جرالك؟
ليه بتشخط فى العيال
قلت باحلم
كنت باحلم إنى ميت وانفزعت
انبسطى..؟
كشرت وبسرعة قالت:
إيه دا أصله. طب وماله
يستحق الموت وأكثر
اللى يهرب من عياله
كنت فين م المغربية؟
تيجى بعد الفجر مادن؟
إنت فاكر إن دا ح يخيل على
شعرإيه؟
واللا إيه بتهببه.. وتقول قضيه
هى فين هى القضيه؟
هم يعنى كلمتينك.. اللى حى يحلوا
القضية؟
هيه ناقصة
وإحنا مالنا
ما انت شايف . كله خايف
والمدافع همسه حايره..عالشفايف
وانت عارف
الصهاينة ناس قويه.. ومفتريه
واللى أدهى من داكله
لما يبقى الكل نايم.. وانت قال تكتب
قصيده!!
عن ولاد الكلب والسفاح شارون
أبقى نايمه!!
أسمعك بتقول شارون؟
من غير سلام ولا يحزنون!
انت فاهم إنه ح يهمه الكلام؟
واللا دول عايزين سلام؟
واللا ح يخاف من كلام؟
هو همه من كلينتون. واللابوش
واللاهمه من باراك.. واللاهمه من...!
واللا عايز تبقى شاعر؟
واللا من أبنود جنابك؟
واللا عايز تقديريه؟
قلت طبعاً
أى شاعر يستحق التقديريه
يستاهلها عن جداره
مش خساره
ليه يا خويا
هو طلع إسرائيل؟
واللا عمر فى الصحارا
حاجه تانيه!!
والقطاع العام بيخسر
كان منع عنه الخساره؟
واللاسكان المقابر
كان بنالهم كام عماره؟
واللاشغل ألف عامل
أو منعهم من الدواره؟
واللا وزع عالغلابة
ألف طن من الدقيق
واللاحتى كام شيكاره؟
فوق لروحك
هو خدها عن وهيبه
والأغانى لعبد حليم
مش عشان حل القضيه
القضية هى.. هى
واحنا فى الخيبه القويه!
قلت جاهله.
إنتى جاهله
انتى فاكره الشعر ساهل؟
دا اللى ينكر فضل شاعر
يبقى جاهل
قلبك ابيض
مش حترجع الا لما يحبسوك
عالكبر ويبهدلوك
انت بتقول يا سادتنا يا قادتنا..
ارفضوا تهديد أمريكا والتحيز لليهود؟
طب ولو زعلت أمريكا
طب منين حيأكلونا؟
والحكومة نفسها بتمد إيدها
ويقولوا لهم شحتونا!!
انت عايز يحبسونا ؟
لوعايزنا نقب اكتب
حط همك فى الأغانى
فطر الشعب بأغانى
نيم الشعب باغانى
والأغانى..
بيبعوها بالدولار الأمريكانى
واللا يعنى جت علينا
واشتهينا الفقر.. تانى؟
عيش وهيص
شجع الأبطال ولادنا
اللى رفعوا راس بلدنا
مسخروا أولاد ناميبيا
واللا ليبيا.
عيش وهيص..
انت يعنى كنت غاندى..؟
واللا حافظ واللا شوقى؟
واللا بيرم أو جاهين؟
مانت طول عمرك بتكتب!
حد سمعك؟
قول لى مين؟
والا كام واحد بيحضر
فى النداوى ف أى حته
حتلاقيهم..خمسه سته!
أما لو تكتب أغانى
تبقى نجم ولك سماك
واللى جاى يطلب لقاك
واللى يتصور معاك
والصحافة والإذاعه
والبرامج..
كله ح يسجل معاك
زى شعبان عبدالرحيم
واللا شوف جمهور حكيم
تبقى شاعر زى صاحبك
كل واحد يرضى عنك
الحكومه والصهاينه والخلايجه
والتوانسه
والاجانب والذوات
بالخصوص صنف البنات
هو دا آخر كلامى
تمشى بيه.. أو تفارق من سكات
ميت يمين ماتقول قصيده
لاملا كل الدار صوات
واللى يسأل تانى عنك
راح اقول له غار ومات
الأحد مارس 22, 2020 9:43 am من طرف admin
» الوطن العربي المنكوب
الخميس نوفمبر 28, 2019 10:46 am من طرف admin
» اهداف تيم الثورة مستمرة
الجمعة ديسمبر 30, 2016 8:39 am من طرف admin
» فكرة مشروع محطة تحلية المياه من مجموعة رمضون العالمية
الثلاثاء أبريل 26, 2016 8:43 am من طرف admin
» الملكيه الفكريه فى عصر المعلوماتيه!!
الثلاثاء أبريل 26, 2016 8:40 am من طرف admin
» اليمن السعيد يتحرر
الثلاثاء أبريل 14, 2015 5:23 pm من طرف admin
» الخليفه العثمانى الجديد ..
الأحد يناير 04, 2015 4:27 pm من طرف sa7fe
» شهر صفر (2)
الإثنين نوفمبر 24, 2014 8:43 pm من طرف admin
» مفاتيح الفرج والادعيه لازاله الهم والكرب والهموم ....
الإثنين نوفمبر 24, 2014 8:33 pm من طرف sa7fe
» يااا انت ان لم تحبني حرر اسري بك
الإثنين نوفمبر 24, 2014 8:25 pm من طرف admin
» اتعلم انه ينام معك في فراشك كل ليلة!!!!!!!!!!
السبت سبتمبر 06, 2014 7:49 am من طرف admin
» \\ خَـآرجْ طٌرقآتَ آلحٌبْ ..... -!
الأربعاء سبتمبر 04, 2013 10:26 am من طرف sa7fe
» لا يصح قول رمضان كريم
الجمعة أغسطس 02, 2013 3:14 pm من طرف admin
» شهر رمضان (9)
الجمعة أغسطس 02, 2013 3:12 pm من طرف admin
» خطوات العنايه بالطفل بعد التطعيم
السبت مايو 11, 2013 4:41 pm من طرف elamaken_h
» مجــرد همسـ•ـات ...
السبت مايو 11, 2013 4:36 pm من طرف elamaken_h
» | هكذآ هو آلآختنآق ") ..;
السبت مايو 11, 2013 2:40 pm من طرف elamaken_h
» اللهم بلغنا رمضان
السبت مايو 11, 2013 2:38 pm من طرف elamaken_h
» لأنني لستُ إلا أنثى
الخميس أبريل 25, 2013 8:20 pm من طرف elamaken_h
» بقايا إنسان .........
الخميس أبريل 25, 2013 8:11 pm من طرف elamaken_h
» هَلْ لـِ الْعَآشِقينْ تَوبَة .؟!
الخميس أبريل 25, 2013 8:08 pm من طرف elamaken_h
» كلمات اغنية محمد فؤاد لو ليا حق
الإثنين أبريل 22, 2013 7:24 pm من طرف elamaken_h
» متــى يعطــش المــاء !؟
الإثنين أبريل 22, 2013 7:20 pm من طرف elamaken_h
» لا أقسم بهذا البلد
الإثنين أبريل 22, 2013 7:15 pm من طرف elamaken_h
» I FEEL SHY
الإثنين أبريل 22, 2013 7:12 pm من طرف elamaken_h
» أحمر شفاة على قميص رجولته ....!! ~_~
الإثنين أبريل 22, 2013 7:04 pm من طرف elamaken_h
» (¯`·._) عزفو على اوتار مشاعري و رحلـــــــــــــو (¯`·._)
الإثنين أبريل 22, 2013 6:36 pm من طرف elamaken_h
» كيف نستخدم الحب بشكل صحيح ؟
الإثنين أبريل 22, 2013 6:29 pm من طرف elamaken_h
» ذو القعدة (11)
الجمعة أبريل 19, 2013 2:26 pm من طرف elamaken_h
» فـــــــــــــصــــــــــــــول الحــــــــــــــــب
الجمعة أبريل 19, 2013 2:21 pm من طرف elamaken_h